04 янв 07:27
Янгиликлар

Футбол

Лондон дербисида жанговор дуранг қайд этилди

Англия Премьер лигасининг 22-туридан ўрин олган "Арсенал" - "Челси" учрашуви бўлиб ўтди.

Лондон дербисидаги барча эътиборга молик вазиятлар иккинчи бўлимда содир бўлди. Дастлаб мезбонлар вакили Жек Уилшир ҳисобни очди - 1:0. Орадан 4 дақиқа ўтгач, Эден Азар мувозанатни тиклади - 1:1.

84-дақиқада "Челси"нинг тўпурар ҳимоячиси Маркос Алонсо гол урди - 1:2. Кўпчилик мезбонларнинг мағлубиятини кутаётган бир пайтда, "канонирлар"нинг ҳимоячиси Эктор Бельерин тўп киритиб, ўйиннинг якуний натижасини ўрнатди - 2:2.