07 дек 10:10
Янгиликлар
Футбол
“Лудогорец”, “Бешиктош”, “Боруссия” М, “Ростов” Европа Лигасида
Кеча ўтказилган Европа чемпионлар лигаси гуруҳ босқичининг 6-тур учрашувларидан сўнг курашни Европа Лигасида давом эттирадиган жамоалар номи маълум бўлди.
Болгариянинг “Лудогорец” клуби меҳмонда “ПСЖ” билан 2:2 ҳисобида дуранг ўйнади ва гуруҳда 3-ўрин билан Европа лигаси йўлланмасини қўлга киритди. Болгария чемпиони “Арсенал”га ютқазган “Базель” клубини ортда қолдирди.
Гарчи “Бешиктош” жамоаси Киевда “Динамо”га 0:6 ҳисобида ютқазган бўлсада, “B” гуруҳининг учинчи жамоаси сифатида Европа Лигасининг плей-оффига чиқди.
Менхегладбахнинг “Боруссия” клуби “Манчестер Сити” майдонида 1:1 ҳисобида дуранг қайд этди. Бу эса Германия клубининг “C” гуруҳида 3-ўринни эгаллашини таъминлади.
“D” гуруҳида 3-ўрин билан Европа Лигасида курашни давом эттириш ҳуқуқи “Ростов”га насиб этди. Россия вице-чемпионлари Голландияда ПСВ клуби билан дуранг (0:0) ўйнади.
Ҳавола :
Фикрлар