05 мар 12:44
Янгиликлар

Бокс/ММА

Луис Ортис: “Ғалабам учун бир неча сония етмай қолди”

Кубалик супероғир вазн тоифасидаги боксчи Луис Ортис жаҳон чемпиони Деонтей Уайлдердан қабул қилиб олинган мағлубиятга изоҳ берди.

Ортис жангнинг ўнинчи раундида техник нокаут эвазига WBC чемпиони Уайлдерга имкониятни бой бериб қўйганди.

“Ўйлайманки, ўнинчи раундгача бўлган вақтда мен очколар ҳисобига кўра олдинда бораётгандим (ҳакамлар хулосасига кўра Уайлдер 85-84 ҳисобида олдинда эди).

Лекин бу супероғир вазн тоифаси, унда олдиндан натижани айтиб бўлмайди. Мен Деонтейни деярли нокаут қилиш даражасига олиб келиб қўйгандим. Ишни якунлаб қўйишим учун қандайдир сониялар етмай қолди”, — деди Ортис.