08 мар 08:56
Янгиликлар

Бокс/ММА

Луис Ортис Уайлдерга қарши жангдаги мағлубиятида ҳакамни айблади

Кубалик супероғир вазн тоифасидаги боксчи Луис Ортис америкалик Деонтей Уайлдерга қарши жангдаги мағлубиятига изоҳ берди.

Ортис Уайлдердан қабул қилиб олинган мағлубиятида ҳакамни айблади. Унинг фикрича, рефери жангда Деонтейнинг ғалабасини хоҳлаган.

“Келинг, жангни муҳокама қилиб оламиз. Мен мухлислар аслида нима бўлганлигини билишни истайман. Ишончим комил, Уайлдернинг промоутерлари ҳакамга Деонтейга ён босиши ҳақида буйруқ беришган. Бу билан мен Уайлдерни айбламоқчи эмасман. Бунда унинг айби йўқ. Лекин унинг промоутерлари бу ерда асосий ишни бажаришди”, – деди Ортис.

Эслатиб ўтамиз, Уайлдер чемпионлик ҳимояси жангида Ортисни 10-раундда техник нокаутга учратган эди.