Маҳмуд Ғоипов 23 март куни рингга чиқади, рақиб ҳам аниқ!

Ҳамютимиз Россиянинг Екатеринбург шаҳрида проф боксдаги учинчи жангини ўтказади. Ғоиповнинг рақиби россиялик Зураб Чаниев бўлади. 27 ёшли Чаниев 7та жанг ўтказган бўлиб, уларнинг 4тасида ғалаба қозонган. Иккита жангда рақибларини нокаутга учратган. Икки бор мағлубият аламини тотиб кўрган, биттаси нокаут билан. Яна бир жангда дуранг қайд этилган. 

Маҳмуд Ғоипов эса иккита жанг ўтказган ва ҳар иккисида рақибларини мағлуб этган. Ҳозирча сўнггиси бўлиб турган жангида арманистонлик Артуш Ховханнисянни очколар ҳисобига кўра мағлубиятга учратган эди. 

Айнан 23 март кунги Екатеринбургдаги бокс оқшомида яна бир ҳамюртимиз Элнур Абдураимов ҳам рингга кўтарилади. Абдураимовнинг рақиби мезбон боксчи Дмитрий Хасиев бўлади. Элнур шу кунгача проф рингда учта жанг ўтказиб, уларнинг барчасида рақибларини нокаутга учратган. Хасиев эса 11та жангнинг 8 тасида ғалаба қозонган (2 та нокаут). Битта жангда мағлубиятга учраган ва 2 та дуранг қайд этган.