Мамажоновнинг эртага АҚШда ўтказилиши кутилган жанги бекор қилинди

Мамажонов мана бир неча йилдирки, АҚШнинг Хьюстон шаҳрида яшаб, ўша ерда машғулот ва жангларини ўтказиб келяпти. Баҳодир узоқ танаффусдан кейинги жангини эртага америкалик Крис Ховардга қарши ўтказиши керак эди.

Лекин рақиб боксчининг қон таркибида гепатит С касаллиги аниқлангани боис, эртанги жанг бекор қилинди.

“Ватандошлар, эртага ўтказилиши керак бўлган жангим бекор қилинди. Бунга сабаб рақибимнинг қон таркибида халқ тилида айтганда сариқ касали аломати гепатит С борлиги аниқланди.

Ташкилотчилар жанг ўтказилмайди, деб эълон қилишди. Ҳар бир бўлмай қолган ишнинг ҳикмати бор, дейишади. Мен ҳам шунга амал қилиб, машғулот ўтказишда давом этаман. Бизни қўллаб-қувватлаб турган, дуода бўлган ҳамюртларимизга миннатдорчилик билдираман”, - деди Мамажонов.