09 авг 15:55
Янгиликлар
Футбол
"Манчестер Юнайтед" "Ювентус"га Рабьо учун 15 миллион евро таклиф қилди
"Манчестер Юнайтед" "Ювентус" ярим ҳимоячиси Адриен Рабьонинг трансфери борасида музокаралар олиб бормоқда.
Журналист Николо Скиранинг хабарига кўра, Англия клуби 27 ёшли француз учун 15 миллион евро таклиф қилди. МЮ футболчи билан 2026 йилга қадар шартнома имзоламоқчи ва келишув шартлари бўйича ўйинчининг онаси билан музокаралар олиб бормоқда.
Ярим ҳимоячи томони битим учун юқори комиссион пул талаб қилмоқда ва катта бонус олмоқчи.
Рабьо 2019 йилнинг июлидан бери "Ювентус"да ўйнайди, унинг клуб билан шартномаси 2023 йилнинг июнь ойи сўнггига қадар мўлжалланган.
Француз ўтган мавсум итальян жамоаси таркибида 45та ўйинда майдонга тушиб, 2та ассист қайд этди. Transfermarkt футболчини 17 миллион еврога баҳоламоқда.
Ҳавола :
Манба : championat.asia
Фикрлар