29 ноя 13:51
Янгиликлар
Футбол
Марадона: "Шапекоэнсе" футболчиларини 5 000 доллар тежаш учун ўлимга юборишган"
Аргентина терма жамоаси собиқ ҳужумчиси, афсонавий Диего Марадона "Шапекоэнсе" ўйинчиларининг оила аъзолари ва клуб мухлисларини қўллаб-қувватлади.
Бир йил олдин, 2016 йилнинг 28 ноябрида бортида Бразилия клуби футболчилари бўлган самолёт Колумбия ҳудудида қулаб тушган эди. Ўшанда жамоа Жанубий Америка кубоги финалида "Атлетико Насьональ"га қарши ўйнаш учун йўл олганди. Фожеадан сўнг жамоанинг уч нафар футболчиси тирик қолган - ҳимоячи Рушел ва Нету, шунингдек дарвозабон Жаксон Фолман.
"Бугун футбол мотамда. Чунки, бир йил олдин "Шапекоэнсе" йигитлари ўз бахтларини излаб йўл чиқишган, аммо ўлим билан тўқнашишган эди. Ҳалок бўлганларнинг оила аъзолари ва клуб мухлисларини қўллаб-қувватлайман.
Агар олдинроқ гапирмаган бўлсам, бу шармандалик сабаб. Чунки, 5 000 долларни тежаш учун уларни ўлимга юборишганди", - деб ёзди Марадона ўзининг инстаграмдаги саҳифасида.
Ҳавола :
Фикрлар