26 дек 11:23
Янгиликлар

Футбол

Марадонанинг йиртилган формаси кимошди савдосида жуда қимматга сотилди

"Mundo Deportivo" нашрининг хабар беришича, аргентиналик футбол афсонаси Диего Марадонага тегишли футбол формаси "Matchday Football Auctions" савдосида сотилди.

Майка 123 000 еврога сотилди, аммо 23 фоиз комиссия туфайли унинг ҳақиқий нархи 152 000 еврони ташкил этди. Бу Марадонанинг клуб формалари орасида кимошди савдосида сотилган энг қиммат формага айланди.

Марадона бу формани 1984 йилги Copa Del Rey финалида "Барселона" сафида кийган. Жамоа ўшанда "Атлетик Бильбао"га 0:1 ҳисобида ютқазган. Ўйиндан кейин майдонда жанжал келиб чиққан, натижада Марадонанинг формаси йиртилганди.