31 авг 10:13
Янгиликлар

Теннис

Мария Шарапова US Open турнирининг учинчи босқичига чиқди

Россиялик теннис маликаси Мария Шарапова “Катта Дубулға” туркумига кирувчи йилнинг сўнгги турнири - US Open мусбақасининг учинчи даврасига йўл олди.

Шарапова 2 соату 19 дақиқа давом этган иккинчи давра учрашувида венгриялик Тимеа Бабошни 6:7, 6:4, 6:1 ҳисобида мағлуб этди. Мария 12та эйс зарбани амалга оширди.

Мария соврин жамғармаси 24 миллион 193 минг 400 долларни ташкил қилувчи мусобақанинг илк даврасида дунёнинг иккинчи ракеткаси, руминиялик Симона Халепдан устун келганди. Шарапова кейинги босқичда америкалик 18 ёшли теннисчи София Кенинга қарши кортга чиқади.