10 авг 11:46
Янгиликлар

Теннис

Маррейнинг биринчи ракетка мақомини бой бериши аниқ бўлди

Яқин бир ярим ҳафта ичида эркак теннисчиларнинг дунё рейтингида биринчи ракетка номи ўзгаради.

Айни пайтда ушбу рейтингни бошқариб келаётган британиялик Энди Маррейнинг ўз ўрнини яқин кунларда бўшатиб бериши расман тасдиқланди. Бунга Эндининг жароҳати сабаб Цинциннати турнирида иштирок эта олмаслиги замин яратди.

Узоғи билан 21 август куни дунё рейтинги янги қиролга эга бўлади. Ёки испаниялик Рафаэль Надаль ёхуд швейцариялик Рожер Федерер Маррейнинг ўрнини эгаллашади. Агар Надаль Монреалдаги турнирда камида ярим финалга етиб борса, 14 август куниёқ у янги карвонбошига айланади.