Машҳур боксчиларимиз байрам баҳона «Тошкент йўлбарси»ни йўқлашди ФОТОГАЛЕРЕЯ

Ўзбек халқига азалдан хос бўлган бундай юксак фазилатлар мамлакатимизда давлат сиёсатининг устувор йўналишларидан бирига айланган. 

Инсон жасоратини эсга олиш ва уни қадрлаш бебаҳо маънавий бойлик, ҳеч нарса билан ўлчаб бўлмайдиган қадриятларимиздан биридир. 

Айниқса, байрам баҳонасида меҳнат фахрийларини йўқлаш одат тусига айланган. Ўзбекистон бокс федерацияси янги йил арафасида ана шундай хайрли ишга қўл урди. 

Федерация мутасаддилари, мураббий ҳамда чарм қўлқоп усталаримиз мамлакатимизнинг бокс бўйича биринчи жаҳон чемпиони, Олимпия ўйинлари совриндори, халқаро турнирларнинг кўп карра ғолиби Руфат Рисқиев хонадаонида бўлиб, дилдан суҳбат қуришди. 

Қари билганни пари билмас, деганларидек, бокс фахрийси ёш чарм қўлқоп усталарига ушбу соҳада муҳим бўлган тавсияларни берди. Ўз тажрибаси билан ўртоқлашди. 

Албатта, бу каби учрашувлар ёш боксчиларнинг келгусида фаолияти ҳамда ҳаёт йўлида ас қотиши шубҳасиз.