13 дек 08:11
Янгиликлар

Дзюдо

“Мастерс”. Тўраев ғалаба билан бошлади, Болтабоевда мағлубият

Хитойнинг Циндао шаҳрида “Мастерс” сериясига кирувчи нуфузли турнир давом этмоқда.

Бироз аввал икки ҳамюртимиз ўзларининг мусобақа доирасидаги илк учрашувларини ўтказишди. -73 кг вазн тоифасида юртимиз шарафини ҳимоя қилаётган Ҳикматуллоҳ Тўраев биринчи давра беллашувида франциялик Жулам Шандан устун келди. Энди Тўраев иккинчи босқичда озарбайжонлик таниқли дзюдочи Рустам Оружовга қарши татамига чиқади.

-81 кг вазндаги дзюдочимиз Шарофиддин Болтабоев эса иккинчи босқич учрашувида Европа чемпионати совриндори, италиялик Антонио Эспозитога имкониятни бой бериб қўйди.