28 июл 07:40
Янгиликлар

Дзюдо

Матниязованинг иккинчи даврадаги рақибаси маълум

Токио Олимпиадасининг бешинчи кунги баҳслари давом этмоқда.

Хабар берганимиздек, бироз аввал ўзбекистонлик спортчиларнинг бугунги иштирокини дзюдочи қизимиз Гулноза Матниязова бошлаб берди. Хоразм вакиласи илк даврада Чад давлати дзюдочиси Демос Мемнелоумни тезкор иппон ҳисобига мағлубиятга учратди.

Энди Матниязова иккинчи даврада анча жиддий рақиб - шу йил Венгрияда ўтказилган жаҳон чемпионатининг бронза медали совриндори, икки карра Европа чемпиони, "Мастерс", "Катта Дубулға", Гран-при турнирлари ғолиб ва совриндори, нидерландиялик Санне Ван Дийкега қарши татамига чиқади. Дзюдочиларнинг ҳар иккиси ҳам 26 ёшда.

Бу беллашув тахминан соат 08:30ларда бошланади.