Махачев Илия Топуриянинг қайтишига ишонмоқда

"Ростини айтсам, мен ҳайрон қолдим, чунки Илиядан ғалаба кутгандим. Аммо чемпион бўлганингизда, диққатни йўқотмаслик керак, чунки бу жуда хавфли спорт тури ва менимча, Илия билан айнан шу нарса юз берди. У Жастинни менсимади, чунки уни осонликча мағлуб этиб, нокаутга учратаман деб ўйлади. У ўзининг нокаут қилиш кучига ишонди, лекин Гэтжи — ҳақиқий йиртқич, у қанча керак бўлса, шунча жанг қилишга тайёр. Илия билан айнан шу нарса юз берди.

У уни нокаут қилишга уриниб, жуда кўп куч сарфлади — оғир зарбалар йўллади ва натижада чарчаб қолди. Нега мен у диққатини йўқотди деяпман? Жангдан олдин қандай қилиб зиёфат уюштириб, ғалабани нишонлаш мумкинлигини тушунмаяпман? Мен унинг ғалабасини нишонлаётгани акс этган видеони кўрдим. Сен машҳур инсонларни таклиф қиляпсан, улар билан байрам қиляпсан, ўз рекордингни қўлда ўзгартиряпсан — булар мен тушунмайдиган нарсалар.

Аммо мен аминманки, Илия қайтади ва яхши жанг кўрсатади, чунки у ҳали ёш ва вақти бор, шунингдек, у ҳақиқатан ҳам яхши жангчи эканини кўряпман. У зарба беришда ҳам, курашда ҳам яхши, партерда ҳам маҳорати юқори. Агар у диққатини қайта тикласа, балки яна чемпион бўлар. Лекин Гэтжи билан бўлган бу жанг унинг ҳаётини аниқ ўзгартиради — ҳозирча бу қандай ўзгариш бўлиши номаълум", — деди UFC ярим ўрта вазн тоифаси чемпиони Ислам Махачев Деметриус Жонсонга берган интервьюсида.

Шу йилнинг июнь ойида ўша пайтда мағлубият нималигини билмаган Илия Топурия Жастин Гэтжига қарши бирлаштирувчи жангда яққол фаворит сифатида октагонга чиққан ва тўртинчи раунддан сўнг бурчагининг талаби билан жангни давом эттиришдан бош тортиб, UFC енгил вазн тоифасидаги чемпионлик камарини бой берган эди.