03 май 10:29
Янгиликлар

Бокс/ММА

Махачев Карлос Пратеснинг Жек Делла Маддалена билан жангдаги ғалабасига муносабат билдирди

Ярим ўрта вазнда UFC чемпиони Ислам Махачев бразилиялик Карлос Пратеснинг австралиялик Жек Делла Маддаленани учинчи раундда техник нокаутга учратганини беэътибор қолдирмади.

Уларнинг жанги Австралиянинг Перт шаҳрида ўтган UFC Fight Night 275 турнирининг асосий воқеасига айланди. Собиқ чемпион Жек учун бу кетма-кет иккинчи мағлубият бўлди. Карлос эса кетма-кет учинчи ғалабасини қўлга киритди.

"Ажойиб иш, нутеллали торт", - деб ёзди Махачев ижтимоий тармоқдаги саҳифасида.

Бразилиялик Карлос 32 ёшда бўлиб, профессионал аралаш яккакураш жангчиси сифатида 2012 йил март ойида дебют қилган. Пратеснинг ММАдаги рекордида 24 та ғалаба (22 таси муддатидан олдин) ва еттита мағлубият бор.