28 мар 09:41
Янгиликлар

Теннис

Майами (ATP): Бердихнинг кутилмаган мағлубияти

АҚШнинг Майами шаҳри мезбонлик қилаётган “Мастерс” туркумига кирувчи теннис турнири ўзининг қизғин паласига кириб боряпти.

Дунёнинг ўн учинчи ракеткаси бўлган Томаш Бердих кутилмаганда мағлубиятга учради. Чехиялик теннисчи дунёнинг 63-ракеткаси америкалик Фрэнсис Тиафога ютқазиб қўйди.

Икки соату 51 дақиқа давом этган учрашувда Тиафо номдор рақибини 6:7(2), 6:2, 7:6(1) ҳисобида доғда қолдирди. Энди Тиафо навбатдаги босқичда Жанубий Африка Республикаси вакили Кевин Андерсонга қарши кортга чиқади.