28 мар 08:22
Янгиликлар

Теннис

Майами (ATP): Дель Потрони ким тўхтатади?

Хабар берганимиздек, АҚШнинг Майами шаҳри мезбонлик қилаётган “Мастерс” туркумига кирувчи теннис турнири ўзининг қизғин паласига кириб боряпти.

Дунёнинг олтинчи ракеткаси бўлган Хуан Мартин Дель Потро нимчорак финал учрашувида ортиқча қийинчиликка дуч келмади. Аргентиналик 29 ёшли теннисчи бу сафар сербиялик Филип Крайиновични мусобақадан чиқариб юборди.

Бир соату 23 дақиқа давом этган баҳсда Потро 6:4, 6:2 ҳисобида зафар қучди. Хуан Мартин учрашув давомида 7та эйс зарбасини амалга оширди. Энди у чорак финалда канадалик Милош Раоничга қарши кортга чиқади.