30 мар 12:20
Янгиликлар

Теннис

Майами (ATP): Дунёнинг саккизинчи ракеткаси иштирокини якунлади

АҚШнинг Майами шаҳри мезбонлик қилаётган “Мастерс” туркумига кирувчи теннис турнири ўз якуни сари яқинлашмоқда.

Дунёнинг саккизинчи ракеткаси бўлган Жанубий Африка Республикаси вакили Кевин Андерсон мусобақадаги иштирокини тўхтатди. У чорак финал учрашувида ATP рейтингида 19-ўринни эгаллаб турган испаниялик Пабло Карреньо-Бустага қарши баҳс олиб борди.

Икки соату 42 дақиқа давом этган учрашувда Буста рейтингда ўзидан юқорироқда турган рақибини 6:4, 5:7, 7:6 (6) ҳисобида мағлуб этди. Энди испан теннисчиси ярим финал чиптаси учун кечадиган баҳсда германиялик Александр Зверевга қарши баҳс олиб боради.