Майами "Мастерс". Жуфтликда ғолиблар маълум

Мусобақанинг жуфтликлар баҳсида хорватиялик теннисчилар - Мате Павич ва Никола Мектич бош соврин соҳибига айланишди. Улар бош соврин учун кечган учрашувда британияликлар - Дэниэль Эванс ва Нил Скупски ҳамкорлигини икки сетда ҳам бир хил ҳисобда мағлуб этишди - 6/4, 6/4.

Бир соату 15 дақиқа давом этган баҳсда Павич ва Мектич 3 та эйс зарбани амалга оширишди. Майами турниридаги муваффақиятли иштирок Павич ва Мектичга 1000 рейтинг очкоси ҳамда 81,000 доллар мукофот пулини тақдим этди.