25 мар 09:27
Янгиликлар

Теннис

Майами (WTA): Азаренконинг юриши давом этади

АҚШнинг Майами шаҳрида хотин-қиз теннисчилар ўртасидаги нуфузли турнир давом этмоқда.

Miami Open мусобақасининг соврин жамғармаси 7 972 535 долларни ташкил қилади. Катта танаффусдан сўнг яна катта теннисга қайтган дунёнинг собиқ биринчи ракеткаси Виктория Азаренко ғолибона юришини давом эттиряпти.

Бу сафар Азаренко учинчи давра учрашувида латвиялик Анастасия Севастовага қарши кортга чиқди ва 2 соату 9 дақиқа чўзилган учрашувда рақибасини 3:6, 6:4, 6:1 ҳисобида мағлуб этди.

Таққослаш учун, Виктория дунё рейтингида 186, Севастова эса 17-ўринни эгаллаб турибди. Энди Азаренко польшалик Агнешка Радванскага қарши баҳс олиб боради.