30 мар 11:01
Янгиликлар

Теннис

Майами (WTA): Латвиялик теннисчи финалга чиқди

Хабар берганимиздек, шу кунларда АҚШнинг Майами шаҳрида хотин-қиз теннисчилар ўртасидаги нуфузли турнир давом этмоқда.

Miami Open мусобақасининг соврин жамғармаси 7 972 535 долларни ташкил қилади. Бундан бир неча дақиқа аввал ярим финалнинг иккинчи учрашуви бўлиб ўтди. Унда латвиялик теннисчи ғалаба қозониб, финал иштирокчисига айланди.

Дунёнинг бешинчи ракеткаси бўлган Елена Остапенко WTA рейтингида 93-ўринни эгаллаб турган америкалик Даниэль Коллинзни 7:6(1), 6:3 ҳисобида мағлуб этди. Энди Остапенко бош мукофот учун баҳсда дунёнинг 12-ракеткаси бўлган Слоан Стивенсга қарши кортга чиқади.