01 апр 08:47
Янгиликлар

Теннис

Майами (WTA): Стивенс бош мукофот соҳибасига айланди

АҚШнинг Майами шаҳрида хотин-қиз теннисчилар ўртасидаги нуфузли турнир ўз якунига етди.

Miami Open мусобақасининг соврин жамғармаси 7 972 535 долларни ташкил қилди. Ҳал қилувчи финал учрашувида дунёнинг бешинчи ракеткаси бўлган Елена Остапенко WTA рейтингида 12-ўринни эгаллаб турган америкалик Слоан Стивенсга қарши кортга чиқди.

Учрашув бироз кутилмаган натижа билан якунланди. Бир соату 32 дақиқа давом этган баҳсда 25 ёшли Стивенс рақибасини 7:6(5), 6:1 ҳисобида зафар қучиб, бош мукофот соҳибасига айланди. Бу икки теннисчининг ўзаро илк учрашуви эди.