24 янв 12:20
Янгиликлар

Бокс/ММА

Майк Тайсон Головкин - Альварес реваншида фаворитни айта олмади

Афсонавий боксчи Майк Тайсон ўрта вазн қироллари қозоғистонлик Геннадий Головкин ҳамда мексикалик Сауль Альварес ўртасидаги реванш жангини орзиқиб кутаётганини айтди.

Тайсон бу икки боксчи ўртасида 2017 йилнинг 16 сентябрида ўтказилган жангда Альваресга мухлислик қилганди. Ўшанда Головкин - Альварес жанги дуранг натижа билан якунланганди. Қоидага кўра Головкин чемпионлик камарини ўзида сақлаб қолган эди.

“Ўтган йилги жангда Сауль Альваресга мухлислик қилгандим. Лекин Головкин жангни дуранг билан якунлашга муваффақ бўлганди. Реванш жанги кутилаётганидан ҳам қизиқарли бўлади. Бунга шубҳам йўқ. Аммо, бу жангда ҳеч бир боксчини фаворит сифатида кўрсата олмайман”, - деди Тайсон.

Эслатиб ўтамиз, Головкин - Альварес жанги 15 май куни бўлиб ўтади.