25 сен 10:10
Янгиликлар
Бокс/ММА
Майк Тайсон Жошуа билан жанг ўтказишни режалаштирмоқда
Афсонавий "Темир Майк" супероғир вазн тоифасида учта асосий чемпионлик камарларини ўз қўлида ушлаб турган британиялик Энтони Жошуага қарши рингга чиқиш истагида эканини маълум қилди.
Жошуа айни пайтда WBA, IBF, WBO ва IBO чемпионлик камарлари соҳиби ҳисобланади. Тайсон бўлажак жангдан тушадиган барча маблағ хайрия ишларига йўналтирилишини айтган.
"Мен бажонидил бу жангга розилик бераман. Яширмайман, бу жанг мени қизиқтириб қўйди. Келинглар, Тайсон - Жошуа жангини ташкил этайлик ва ундан тушадиган барча пулларни хайрия ишларига йўналтирайлик", - деган Тайсон IFL TV каналига берган интервьюсида.
Эслатиб ўтамиз, 54 ёшли Майк Тайсон ноябрь ойида яна бир афсона Рой Жонсга қарши рингга чиқиши керак. Аслида бу кўргазмали характердаги жанг 12 сентябрь куни ўтказилиши керак эди. Лекин кейинчалик ташкилотчилар жангни кечроқ муддатга кўчиришди.
Ҳавола :
Манба : isport
Фикрлар