27 мар 11:02
Янгиликлар

Теннис

Медведев Майами "Мастерс"да 1020-ракеткага қарши кортга чиқди

Хабар берганимиздек, шу кунларда АҚШнинг Майами шаҳри теннис бўйича нуфузли ATP турнирига мезбонлик қилмоқда.

Сайёрамизнинг иккинчи ракеткаси Даниил Медведев Майами "Мастерс" турнирининг учинчи даврасига йўл олди. Россиялик теннисчи иккинчи даврада Хитой Тайпейи вакили Лю Йен-Сунни икки сетда ҳам бир хил ҳисобда мағлуб этди - 6/2, 6/2.

Эллик етти дақиқа давом этган баҳсда 25 ёшли Даниил ўз ҳисобига 9 та, рейтингнинг 1020-поғонасидан жой олиб турган 37 яшар Лю Йен-Сун эса 1 та эйс зарбасини ёзиб қўйди. Энди Медведев Miami Open турнирининг учинчи даврасида америкалик Рейлли Опелькадан 6/4, 6/2 ҳисобларида устун келган австралиялик Алексей Попиринга қарши кортга чиқади.