"Мемфис" "Голден Стэйт"ни мағлуб этиб, сериядаги фарқни қисқартирди

Унда "Мемфис Гриззлис" "Голден Стэйт Уорриорз"га қарши майдонга чиқди. Учрашув мезбонларнинг 134:95 ҳисобидаги ғалабаси билан якунланди ва бунинг эвазига жамоа сериядаги фарқни қисқартиришга муваффақ бўлди – 2:3.

"Мемфис" вакили Жарен Жексон 21 очко, 8 та рибанд ва 3 та самарали узатма билан ўйиннинг энг яхши баскетболчиси бўлди. "Голден Стэйт" таркибида 19 очко, 3 та рибанд ва битта ассистлик билан Клай Томпсон жамоасининг энг яхши ўйинчиси бўлди.

Сериянинг навбатдаги ўйини 13 май, жума куни Сан-Франсискодаги (АҚШ) "Chase Center" аренасида бўлиб ўтади. Учрашув Тошкент вақти билан 00:00 да бошланади.