Мэнни Пакьяо 11-чемпионлик камари учун Малайзияга етиб келди

Филиппинлик бокс афсонаси 15 июль куни ярим ўрта вазн тоифасида WBA (Regular) чемпионлик камари соҳиби аргентиналик Лукас Матиссега қарши рингга кўтарилади. 

“Ўзим яхши хис қиляпман. Машғулотлар аъло даражада ташкил этилди. Бунинг учун ўз жамоамга раҳмат айтаман. Фаолиятимдаги ўн биринчи чемпионлик камарини қўлга киритиш учун бор имкониятимни ишга соламан”, - дея Пакьяонинг сўзларидан иқтибос келтирмоқда ESPN телеканали.

Агар Пакьяо 15 июль кунига белгиланган жангида ғалаба қозонса, кейинги жангини катта эҳтимол билан британиялик Амир Ханга қарши ўтказади.