22 ноя 12:49
Янгиликлар

Бокс/ММА

Мэнни Пакьяо: Бронер тилида юради

Профессионал бокснинг ярим ўрта вазн тоифасида WBA йўналиши чемпиони Мэнни Пакьяо рақиби Эдриен Бронер ҳақида фикр билдирди.

Филиппинлик афсона Бронер катта гапириши ва бу иқтидори билан бемалол кинода рол ўйнаши мумкинлигини айтди.

“Бронер - ажойиб боксчи, тез, айниқса гапда! Ўйлашимча, фаолиятини якунлаганидан кейин актёрлик қилса керак. Ундан яхшигина комик актёр чиқади. Мени унинг ҳазил мутойибалари қўрқита олмайди. Гувоҳи бўлаётганингиздек, унинг юзига қарасам, ўзимни кулгудан тийиб тура олмаяпман”, - деди Пакьяо.

Эслатиб ўтамиз, Паькяо ва Бронер ўртасидаги чемпинлик жанги 19 январь куни АҚШнинг Невада штати Лас-Вегас шаҳридаги MGM Grand аренасида бўлиб ўтади.