Mersedes Cup. Истоминнинг чорак финалдаги рақиби турнирнинг 2-ракеткаси!

Майсали кортлардаги ушбу мусобақада ҳамюртимиз Денис Истомин ҳам муваффақиятли одимлаяпти. Мамлакатимизнинг биринчи ракеткаси дастлабки икки босқичда рейтингда ўзидан юқорида турган рақибларини мағлубиятга учратиб чорак финалга йўл олганди. 

Кеча куннинг иккинчи ярмида Истоминнинг ярим финал остонасидаги рақиби маълум бўлди. Турнирда иккинчи рақам остида таснифланган франциялик Лукас Пуиль эртага ўтказиладиган чорак финал учрашувида Истоминга қарши кортга чиқади. 

Дунё рейтингида 17-ўринни эгаллаб турган Пуиль иккинчи босқичда ATP рейтингида 303-поғонадан жой олган германиялик Рудолф Моллекерни 6:3, 6:4 ҳисобида енгди. Денис ва Лукас шу кунгача ҳали кортда ўзаро тўқнаш келишмаган.