07 дек 10:16
Янгиликлар
Мейвезер - Насукава жангининг қандай қоида асосида ўтказилиши маълум
Ушбу жангнинг ўтказилиши билан боғлиқ муҳокама ва мунозаралар етарлича бўлди. Хатто Мейвезер бу жангнинг кенг омма учун ўтказилмаслиги, трансляция қилинмаслигини ҳам айтганди.
Ниҳоят, ташкилотчилар жанг қоидалари бўйича бир тўхтамга келишди. Унга кўра 2018 йилнинг сўнгги куни Японияда ўтказиладиган жанг профессионал бокс қоидалари асосида, 66,7 кг вазн тоифасида ўтказиладиган бўлди.
Бу япониялик кикбоксчининг ҳозирги вазн тоифасидан 10 кг оғирроқ деганидир. Жанг уч дақиқадан иборат уч раунд давом этади. Қўлқоплар Мейвезернинг Конор Макгрегорга қарши ўтказган жангидаги каби бўлади.
Эътиборли жиҳати шундаки, жанг расмий мақомга эга бўлмайди. Яъни, Флойднинг 51-жанги сифатида қайд этилмайди. Хатто зарбаларни ҳисоблаб борувчи ҳакамлар ҳам бўлмайди.
Фикрлар