18 янв 13:27
Янгиликлар

Бокс/ММА

Мейвезер Пакьяонинг жангини ринг олдида томоша қилади

Эртага (бизнинг вақт билан якшанба куни) АҚШда саккиз вазн тоифасида собиқ жаҳон чемпиони Мэнни Пакьяо тўртта вазнда чемпион америкалик Эдриэн Бронерга қарши рингга кўтарилади.

Ушбу чемпионлик жангини афсонавий Флойд Мейвезер бевосита аренанинг биринчи қаторидан кузатиб боради. Британиялик промоутер Эдди Хирннинг айтишича, агар Пакьяо ғалаба қозонса, Мейвезер рингга кўтарилади ва реванш жангини эълон қилади.

Америка матбуотида ёзилишича, Пакьяо ва Мейвезер ўртасидаги жанг АҚШ мустақиллиги нишонланадиган куни ўтказилади. Бу икки афсонанинг илк жанги 2015 йилнинг май ойида ўтказилган ва ўшанда Флойд очколар ҳисобига кўра ғалаба қозонган эди.