Miami Open. Эмма Радукану стартдаёқ турнир билан хайрлашди

Жаҳоннинг 13-ракеткаси, британиялик Эмма Радукану турнирнинг иккинчи даврасида WТА рейтингида 53-поғонадан жой олган чехиялик Катерина Синяковага уч сетда 6/3, 4/6, 5/7 ҳисобида мағлуб бўлди ва мусобақа билан хайрлашди. 

Учрашув 2 соату 55 дақиқа давом этди. Ушбу вақт давомида спортчилар биттадан эйсни амалга ошириб, биттадан қўш хатога йўл қўйишди. Шу билан бирга, Радукану бешта, Синякова эса олтита брейк-пойнт қайд этди. Бу уларнинг биринчи расмий учрашуви эди.

Майами "Мастерс" мусобақасининг учинчи даврасида Синякова австралиялик Дария Сэвиллга қарши баҳс олиб боради.