Miami Open. Наоми Осака муваффақиятли старт олди

Дунёнинг иккинчи рақамли теннис маликаси Наоми Осака океан ортидаги мусобақадаги иштирокини ғалаба билан бошлади. Япониялик теннисчи иккинчи давра учрашувида рейтингнинг 77-поғонасида бораётган австралиялик Айла Томляновидан устун келди - 7/6(3), 6/4.

Роппа-роса 100 дақиқа давом этган баҳсда 23 ёшли Наоми 13 та, 27 яшар Томлянович эса 5 та эйс зарбасини амалга оширди. Бу теннисчиларнинг ўзаро ўтказган илк учрашуви эди. Осака Miami Open турнирининг учинчи даврасида қозоғистонлик Юлия Путинцевадан 5/7, 7/5, 6/2 ҳисобларида устун келган сербиялик Нина Стояновичга қарши кортга чиқади.