“Милан” қўшимча дақиқадаги гол эвазига “Барселона”ни енгди

АҚШнинг Санта-Клара шаҳридаги “Левайз” стадионида бўлиб ўтган ўйинда “россонерлар” киритилган ягона гол эвазига зафар қучишди. Учрашувнинг асосий вақтига қўшиб берилган учинчи дақиқада португалиялик ҳужумчи Андре Сильва “Барселона” дарвозасини ишғол қилди.

Шу тариқа, “Милан” турнирдаги илк ғалабасини қўлга киритди. Италия клуби 3та ўйинда 4 очко тўплади. “Барселона” эса ғалаба қозонишнинг уддасидан чиқа олмаяпти. Биринчи турда каталонияликлар “Тоттенхэм”ни пенальтилар сериясида мағлуб этишганди. Лекин турнир регламентига кўра бундай ғалабага бир очко берилади. 

Милан Италия – Барселона Испания 1:0 (0:0, 1:0)

5 август, 05.05. “Levi's Stadium”

Гол: 1:0 – 90 Андре Силва.

Милан – Доннарумма, Романьоли, Родригес (Антонелли, 61), Калабрия (Абате, 61), Мусаккьо (Сапата, 79), Локателли (Маури, 61), Чалханоглу, Борини (Халилович, 62), Кессиэ, Сусо (Бонавентура, 79), Кутроне (Андре Силва, 61).

Барселона – Силлессен (тер Стеген, 46), Лангле, Марлон (Мингеса, 77), Миранда, Сержи Роберто, Артур, Рафинья (Абель Руис, 77), Малком, Нелсон Семеду, Мунир, Пако Алькасер (Пуч, 46).

Огоҳлантиришлар: Лангле (49), Чалханоглу (57), Кессиэ (66), Маури (72).