“Милан”нинг янги раҳбари клубнинг аввалги мавқеини тикламоқчи

“Мен Берлускони ва унинг Fininvwest компаниясида менга билдирилган ишонч учун миннатдорчилик билдираман. “Милан” буюк тарихга эга бўлган дунёдаги энг машҳур жамоалардан бири. Биз жамоани янги чўққиларга олиб чиқиш йўлида илк қадамни ташладик.

Ишонтириб айтаманки, келгусида қадамба қадам биз бу жамоани аввалги мавқейига қайтарамиз”, дея таъкидлади Йонхонг.

Келишув суммаси 740 миллион еврони ташкил қилгани айтилмоқда. Ушбу маблағдан 220 миллиони клубнинг қарзларини ёпишга, 90 миллиони эса “Fininvest”нинг бекор қилинган келишувлари учун йўналтирилади.

Берлускони “Милан”ни 31 йил мобайнида бошқариб келди. Ушбу вақт давомида клуб Италия ва Европа майдонларида 29 та совринни қўлга киритди.