03 июн 18:11
Янгиликлар
Миллий Олимпия қўмиталарини қўллаб-қувватлаш учун 11,5 миллион доллар тақдим этилади
Миллий олимпия қўмиталари ассоциацияси (ANOC) барча МОҚларни қўллаб-қувватлаш ва уларнинг кечиктирилган “Токио-2020” Олимпия ўйинларига тайёргарлик кўришларига молиявий ёрдам кўрсатиш мақсадида ANOC жамғармасини тақсимлаш учун техник ишчи гуруҳи ташкил этилганлигини эълон қилди.
Ушбу ишчи гуруҳига ANOCнинг беш қитъа ассоциациялари, шу жумладан, Осиё Олимпия кенгаши вакиллари ва Олимпия Бирдамлиги директори киради.
Жамғарма бу йил Сеулда бўлиб ўтган ANOC Бош Ассамблеясида кўзда тутилган харажатлар бюджетидан, шунигдек, ANOCнинг заҳира жамғармаларидан молиялаштирилади. ANOC жамғармасининг умумий маблағи 11,5 миллион доллардан ортмайди.
Техник ишчи гуруҳи шу ҳафтада ўзининг биринчи мажлисини ўтказади. Маблағни тақсимлаш жараёни келишилиши биланоқ қитъаларнинг ҳар бир ассоциацияси Олимпия Бирдамлиги билан ҳамкорликда тегишли Миллий Олимпия қўмиталарига молиявий ёрдамни тақдим этиш учун масъул бўлади.
Фикрлар