28 май 08:44
Янгиликлар

Бокс/ММА

ММА гўзаллари - Ванзант ва Остович ўзаро октагонда тўқнаш келади + ПОСТЕР

UFC промоушенининг собиқ вакилалари, ММА гўзаллари - Пейж Ванзант ва Рэйчел Остович қўлқопсиз кечадиган жангда октагонга кўтарилишади.

Bare Knuckle FC лигаси доирасидаги ушбу жанг 19 июль куни бўлиб ўтади. Бу ҳақида промоушеннинг расмий "Твиттер" саҳифасида хабар берилди. Ушбу жанг Остович учун қўлқопсиз лигадаги дебют жанг бўлади. Шу пайтгача у UFC промоушенида иштирок этиб келаётганди. Сўнгги жангини 2020 йилнинг ноябрь ойида UFC Вегас 15 турнирида Жин Мазанига имкониятни бой берган. Бу унинг кетма-кет қабул қилиб олган учинчи мағлубияти эди.

Пейж Ванзант учун эса бу қўлқопсиз лигадаги иккинчи жанг бўлади. Мафтункор Ванзант дебют жангида Британи Хартга очколар ҳисобига кўра ютқазиб қўйганди. Қизиғи, Рэйчел ва Пейж UFC Fight Night 143 турнирида ўзаро тўқнаш келиб улгуришган. Ўшанда Ванзант муддатидан аввал ғалаба қозонганди.