Монте-Карло. Стефанос Циципас чемпионлик ҳимоясига киришди

Мусобақада фаворитлар қаторида эътироф эътироф этилаётган жаҳоннинг 5-ракеткаси грециялик Стефанос Циципас турнирнинг иккинчи даврасида АТР рейтингида 32-ўринни эгаллаб турган италиялик Фабио Фогнинига қарши кортга чиқди.

1 соату 11 дақиқа давом этган учрашувда 23 ёшли Циципас рақибини 6/3, 6/0 ҳисобида мағлуб этди. Ушбу вақт давомида грециялик теннисчи учта эйс зарбасини амалга ошириб, тўпни ўйинга киритишда бир марта хатога йўл қўйди ва бешта брейк-пойнтдан унумли фойдаланди. 34 ёшли Фогнини эса битта брейк қайд этиб, беш марта қўш хатога йўл қўйди. Спортчиларнинг ўзаро учрашувларида ҳисоб грециялик теннисчи фойдасига йириклашди, 4:0.

Rolex Monte-Carlo Masters мусобақасининг учинчи даврасида Циципас сербиядик Ласло Жере ёки италиялик Лоренцо Сонегога қарши кортга чиқади.