Мудофаа вазири Кубогида хоразмлик дзюдочилар биринчи бўлишди

Қорақалпоғистон Республикаси, барча вилоятлар ҳамда Тошкент шаҳридан жам бўлган 2001-2002 йилларда туғилган жами 200 нафардан зиёд ярим профессионал дзюдочилар 14 та вазн тоифасида медаллар учун баҳс олиб боришди.  

Якунда Хоразм вилояти терма жамоаси (қизлар ва ўғил болалар умумий) медаллар жамғариш бўйича умумжамоа ҳисобида биринчи ўринни эгаллашди. Воҳалик дзюдочилар 4 та олтин, 1 та кумуш, 3 та бронза медалини қўлга киритишди. Тошкент вилояти жамоаси 3 та олтин, 2 та кумуш, 2 та бронза медали билан иккинчи ўринни банд этган бўлса, кучли учликка 2 та олтин ва 2 та бронза медали билан Бухоро жамоаси якун ясаб берди. 

Қашқадарё, Наманган, Сурхондарё, Самарқанд ва Жиззах вилояти дзюдочилари биттадан олтин медалга эга чиқишди. Тошкент шаҳри, Андижон ва Навоий вилояти жамоалари ҳам камида биттадан бронза медалига эга бўлишди.