Муҳиддин Мамажоновнинг кейинги жанги санаси ва манзили эълон қилинди

Спортчининг Instagram саҳифаси орқали хабар беришича, у 2026 йилнинг 7 февраль куни Тошкент шаҳридаги "Ҳумо арена" мажмуасида ташкил этиладиган ММА бўйича Mangu 1 турнирида октагонга кўтарилади.

Мамажоновга турнир доирасида ким рақиб бўлиши ҳозирча номаълум.

Муҳиддин Мамажонов фаолияти давомида ҳозиргача 10 та жанг ўтказиб, 8 та ғалаба, 1 та мағлубият ва 1 та дуранг қайд этган. У сўнгги жангини сентябрь ойида қозоғистонлик Руслан Серикпуловга қарши ўтказиб, биринчи раундда ғалаба қозонганди.