Мужибулло Турсунов проф боксдаги навбатдаги ғалабасидан сўнг нималар деди?

Турсунов жангдан сўнг сайтимиз мухбирига кичик интервью бериб, ўз таассуротлари билан ўртоқлашди. 

"Жанг жуда тез тугади. Шунақа вазият бўлиб қолди. Буни омад деган бўлардим. Шукрки, ғалаба қозондим. Бугунги рақибим ўзимни яқин укам, бирга шуғулланадиган дўстим. У билан иккинчи марта тўқнаш келишимиз. Биринчи марта Ўзбекистон чемпионати ярим финалида жанг ўтказгандик. "Lift Promotion"нинг бокс кечасида иккинчи марта тўқнаш келдик. 

Худо хоҳласа, энди Ўзбекистон чемпионатида қатнашаман", - деди Турсунов. 

Шунингдек, боксчининг мураббийи Абдувоҳид Жалолов ҳам ўз фикрларини билдириб ўтди:

"Икки боксчи ҳам ўзимни шогирдим. Бу - спорт. Иккиси ҳам рози бўлиб бу спорт турини танлаган. Рингга кўтарилгандан кейин сизга рақиблик қиладиган одам ким бўлишидан қатъи назар рақиб ҳисобланади. Биз ушбу жангда боксчилар бокс санъатини кўрсатади деган умидда эдик. Аммо мана бундай тасодифий ҳолат бўлиб қолди. 

Шоҳруҳ ҳам шогирдим. Эътибор берган бўлсангиз рингда Шоҳрухни кўнглини кўтаришга ҳаракат қилдим. Хафа бўлмагин болам, бу спорт, Ўзбекистон чемпионатига яхши "настрой" қилгин дея далда бердим. Ўзбекистон чемпионатигача жароҳати битиб кетади деган умиддаман. Чемпионатгача ҳали вақт бор",-деди Абдувоҳид Жалолов.