Муроджон Аҳмадалиев бўлажак чемпионлик жангидан қанча гонорар олади?

Бўлажак жангда чарм қўлқоп устамизга биринчи ярим ўрта вазн тоифасида WBA ва IBF йўналишлари чемпиони Дэниэль Роман рақиблик қилади. WBA Intercontinental чемпионлик камари соҳиби бўлиб турган Аҳмадалиев Романнинг WBA камарига расмий даъвогар ҳисобланади.   

WBA ташкилоти 2 июль куни ҳар икки боксчининг промоутерлари ўртасида жанг ҳуқуқига эгалик қилиш бўйича савдо ўтказади. Савдо томонларнинг таклиф қиладиган минимал - 120 000 АҚШ доллари миқдоридаги гонорар суммасидан бошланади. Чемпион умумий суммадан 75 фоиз гонорарга эгалик қилади. Аҳмадалиев эса 25 фоиз гонорарга эга бўлади. 

Эслатиб ўтамиз, Дэниэль Роман сўнгги жангида IBF чемпиони Теренс Жон Дохэнига қарши рингга кўтарилиб, чемпион рақибини мағлубиятга учратган ҳамда камарларини бирлаштириб олган эди.