15 июл 09:54
Янгиликлар

Бокс/ММА

Муроджон “Кака” Аҳмадалиев ҳам рингга чиқди

Рио Олимпиадаси ҳамда жаҳон чемпионати совриндори Муроджон Аҳмадалиев ҳозиргина профессионал боксдаги ўзининг учинчи жангини ўтказди.

Ҳамюртимиз аргентиналик Луис Фернандо Молинага қарши рингга кўтарилди. Олти раундга мўлжалланган жанг ғолиби очколар ҳисобига кўра аниқланди. Унда ҳакамлар бир овоздан Муроджоннинг ғалабасини таъминлашди.

Маълумот учун, Молина профессионал рингдаги фаолияти давомида бугунгиси билан қўшиб ҳисоблаганда, 13та жанг ўтказди. Шуларнинг 7тасида рақибларини мағлуб этган (2тасида нокаут эвазига). Бугун Луис бешинчи мағлубиятини қабул қилиб олди. Битта жангда дуранг натижа қайд этилган.

Муроджон “Кака” Аҳмадалиев эса проф боксда бугунгиси билан ҳисоблаганда учта жанг ўтказиб, уларнинг уччаласида ҳам зафар қучган. Иккита жангида рақибларини нокаут эвазига мағлубиятга учратган.