09 дек 12:51
Янгиликлар

Бокс/ММА

Музаффаров Екатеринбургда бешинчи жангида рингга кўтарилди

Ўзбекистоннинг SAFPRO промоутерлик компанияси мижози бўлган боксчимиз Сардор Музаффаров фаолиятидаги бешинчи жангини ўтказди.

Чарм қўлқоп устамиз Россиянинг Екатеринбург шаҳрида ташкил этилган бокс оқшоми доирасида арманистонлик Давит Ховханнисянга қарши рингга чиқди. Ушбу жангда чинозлик 23 ёшли Музаффаров 27 ёшли рақибини очколар ҳисобига кўра мағлубиятга учратди.

Маълумот учун, Сардор Музаффаров проф фаолиятидаги 5та жангидан 4тасида ғалаба қозонган. Битта жангда россиялик Александр Крашенинниковга имкониятни бой берган. Ховханнисян эса 12та жанг ўтказган. Бешта жангда ғалаба (1таси нокаут)га эришган. Еттита жангда мағлубият аламини тотиб кўрган.