15 окт 10:25
Янгиликлар

Теннис

Надаль ғалабалар сони бўйича афсонавий Агассидан ўзиб кетди

Дунёнинг биринчи ракеткаси Рафаэль Надаль Шанхайда якунига етиб бораётган “Мастерс” сериясига кирувчи турнирнинг ярим финалида хорватиялик Марин Чилични 7:5, 7:6 ҳисобида мағлуб этганди.

Испаниялик ракетка устаси учун бу фаолиятидаги 871-ғалаба эди. Бу билан Надаль афсонавий Андре Агассидан ўзиб кетди. Аллақачон фалиятини якунлаган Агасси ҳисобида 870 та ғалаба бор эди. Ғалабалар сони бўйича Жимми Коннорс пешқадам ҳисобланади. Унинг ҳисобида 1256 та ғалаба бор.

Маълумот учун, Рафаэль Надалдан олдинги ўринларни теннис юлдузлари Рожер Федерер (1122), Иван Лендл (1068), Гильермо Вилас (929), Жон Макинрой (877) эгаллаб турибди.