Наманган “Фьючерс”. Файзиев еттинчи ракетка!

Ҳамюртимиз қуръа ташлаш маросимидан сўнг мусобақасида еттинчи рақам остида ҳаракат қилиши маълум бўлди. Андижондаги турнирнинг финалида Файзиевга имкониятни бой берган туркиялик Кэм Илкел Наманган “Фьючерс”нинг биринчи ракеткаси бўлади. 

Беларуслик Дмитрий Жирмонт иккинчи рақам остида таснифланди. Бугун ўтказиладиган саралаш учрашувларидан сўнг камида 4 нафар теннисчимиз асосий тўр йўлланмасини қўлга киритади. Боиси, 8 нафар теннисчимиз саралашнинг финал учрашувида бир-бирларига қарши кортга чиқишади. 

Соврин жамғармаси 25 000 АҚШ долларини ташкил этувчи ушбу мусобақанинг асосий тўрида Санжар Файзиевдан ташқари, ҳамюртларимиздан Ҳумоюн Султонов, Шониғмат Шофайзиев, Азиз Дадабоев, Павел Цой, Иброҳим Ўринов ва Олимжон Набиевлар иштирок этишади.