28 дек 07:46
Янгиликлар

Футбол

"Насаф"нинг яна икки етакчиси Тошкент клубига ўтади

Қаршининг "Насаф" клуби футболчилари Акмал Шораҳмедов ва Баҳром Абдураҳимов ҳам келаси мавсумни янги жамоада бошлайдиган бўлишди.

"Пахтакор" клуби "Насаф"нинг ўнг қанот ҳимоячиси Акмал Шораҳмедов ҳамда ўрта чизиқ вакили Баҳром Абдураҳимовни ўз сафига қўшиб олмоқда. Сўнгги музокаралардан сўнг томонлар келишувга эришишган.

"Шерлар" бунгача "аждарлар"нинг яна бир етакчиси Фаррух Сайфиев билан ҳам 2 йиллик шартнома имзолашганди. Давралар оралиғида эса "Пахтакор" "Насаф"дан Элдорбек Суюнов ва Шерзод Аъзамовнинг трансферини сотиб олганди.