Насукава Макгрегорнинг чорловига муносабат билдирди

Конор Тенсинга ММА қоидалари асосида кўргазмали жанг ўтказиш таклифини берганди. Насукава бу чақирувга ўз муносабатини билдириш баробарида жанг айнан у қўйган талаб ва шартлар бажарилган тақдирдагина ўтказилишини маълум қилди. 

“Жаноб Макгрегор! Сизга менинг исм-шарифимни билганингиз учун раҳмат айтаман. Таклифга келсак, жанг 58 кг вазн тоифасида ва кикбоксинг қоидалари асосида ўтказилади. Агар бу шартга рози бўлсангиз, Насукава Макгрегорга қарши рингга чиқади. Мен бу йил RISE Гран-при турнирларида иштирок этаман. Сизга ушбу турнир доирасидаги жангларни томоша қилишни маслаҳат бераман. Кейин парҳез қилишни ҳам унутманг!”, - деди Насукава. 

Маълумот учун, Конор 70 кг вазн тоифасида ўз жангларини ўтказиб келмоқда. Насукава билан жанг қилиши учун камида 10 кг вазн ташлаши керак бўлади.