Навоийда белбоғли кураш бўйича Ўзбекистон чемпионати ўтказилмоқда

Ўзбекистон Республикаси  Спортни ривожлантириш вазирлиги ҳамда Ўзбекистон белбоғли кураш федерациясининг йиллик – тақвим режасидаги жорий йилнинг илк мамлакат чемпионати баҳсларида  Қорақалпоғистон Республикаси, Тошкент шаҳри ва барча  вилоятлардан  300 нафарга яқин  ёш полвонлар ғолиблик учун кураш тушишмоқда. Мазкур чемпионат баҳсларида дастлаб, мусобақанинг тантанали очилиш маросими ташкил этилди. Маросимда Навоий вилояти спортни ривожлантириш бош бошқармаси бошлиғи Ойбек Раҳмонов, Ўзбекистон белбоғли кураш федерацияси бош котиби Абдихалил Маликов, Навоий вилояти спортни ривожлантириш бош бошқармаси тасарруфидаги якка кураш  турларига ихтисослаштирилган болалар-ўсмирлар спорт мактаби директори Ойбек Жуманазаров, белбоғли кураш бўйича  миллий терма жамоа бош мураббийи Аъзамжон Шокиржоновлар иштирок этиб, ёш полвонларни қутлаб, мусобақаларда омад тилашди.   

Ушбу чемпионатда ўғил болалар белбоғли курашнинг эркин ва классик йўналишларида 11 та вазн тоифасида, қизлар эса эркин йўналишда 7 та вазн тоифасида ғолиблик учун кураш тушишмоқда.

Беллашувлар якунига етгач, кучли учликдан жой олган полвонлар билан танишишингиз мумкин. Мусобақа 16 апрелга қадар давом этади.    

Илҳом РАҲМОНОВ тайёрлади